भक्तपुर, फागुन १०
हुण्डी कारोबार गरेको आरोपमा काठमाण्डौं उपत्यका अपराध अनुसन्धान कार्यालयको प्रहरीले काठमाण्डौंको कुलेश्वरबाट एक जना भारतीय नागरिकलाई पक्राउ गरेको छ । पक्राउ पर्नेमा भारत हिमाञ्चल प्रदेश सिमलाथाना घर भई हाल कुलेश्वर बस्ने माँ चामुण्डा फ्रुट सेन्टरका सञ्चालक वर्ष ४९ का विजयकुमार गुप्ता रहेका छन ।
कुलेश्वर एरियामा केहि व्यक्तिले नेपाल राष्ट्र बैकले जारी गरेको आदेश÷निर्देशन विपरीत हुने गरी ईजाजतपत्र नलिई बित्तिय कारोवार (हुण्डी) गर्दै आएको भन्ने गोप्य सूचनाका आधारमा प्रहरीले अनुसन्धान गर्ने क्रममा गत फागुन ८ गते गुप्तालाई पक्राउ गरेको हो ।
प्रहरीले गुप्ताको साथबाट हुण्डी गर्ने प्रयोजनको लागि संकलन गरेको नगद ५७ लाख र १४ लाख ८० हजार रकम बराबरको ३ थान बैंकको चेक समेत बरामद गरेको काठमाण्डौं उपत्यका अपराध अनुसन्धान कार्यालयका सूचना अधिकृत प्रहरी उपरिक्षक सोमेन्द्र राठौरले बताउनुभयो ।
अनुसन्धानका क्रममा गुप्ता फलफूल व्यवसायको आवरणमा विगत लामो समयदेखि अवैध हुण्डीको कारोबार गर्दै आएको खुल्न आएको प्रहरीले जनाएको छ । साथै गुप्ता यसअघि २०७५ साउन ७ गते भारतीय रुपैया २ लाख र नेपाली रुपैंया ३१ लाखसहित पक्राउ परी राजस्व छली सम्बन्धमा कसुरमा अनुसन्धान गरिएका व्यक्ति भएको खुल्न आएको राठौरले बताउनुभयो ।
प्रहरीले नेपाल राष्ट्र बैक ऐन २०५८ को दफा ९५ बमोजिम थप अनुसन्धान र कारवाहीका लागि गुप्तालाई जिल्ला प्रहरी परिसर टेकु, काठमाण्डौ पठाईएको राठौरले जानकारी दिनुभयो ।
