पेट्रोलियम पदार्थमा भारी मूल्य बृद्धि, पेट्रोल १९९, डिजेल र मट्टितेल १९२

भक्तपुर, असार ६
नेपाल आयल निगमले आजदेखी लागु हुनेगरी पेट्रोलियम पदार्थको मूल्यमा भारी वृद्धि गरेको छ । निगमले गएराती १२ बजेदेखी लागु हुने गरी पेट्रोलमा प्रतिलिटर १९ रुपैयाँ र डिजेल तथा मट्टितेलमा प्रतिलिटर २७ रुपैयाँले बृद्धि गरेको हो । नयाँ मूल्य अनुसार पेट्रोल प्रतिलिटर १९९ रुपैयाँ पुगेको छ भने डिजेल र मट्टितेल प्रतिलिटर १९२ पुगेको छ ।
निगमले एकै पटक यति धेरै रकम बृद्धि गरेको यो पहिलो पटक हो । निगमले खाना पकाउने एलपीजी ग्यासको मूल्य भने यथावत राखेको छ ।
निगमले हालको खरिद मूल्यमा अझै पेट्रोलमा १३ रुपैंया ५८ पैसा र डिजेलमा १३ रुपैंया ९५ पैसा, एलपीजी ग्यासमा ७५१ रुपैंया १४ पैसा घाटा भएको जनाएको छ । त्यसैगरी मट्टितेलमा ४३ रुपैंया ६ पैसा, हवाई ईन्धन आन्तरिकतर्फ १३ रुपैंया ६१ पैसा र हवाई ईन्धन बाह्यतर्फ ५६ रुपैंया ६७ पैसा नाफा रहेको जनाएको छ ।
हालको मूल्यमा बिक्रि गर्दा पनि निगमले मासिक ४ अर्ब ७० करोड घाटा रहेको जनाएको छ ।