सुर्यविनायकमा प्रमुख,उपप्रमुखमा एमालेका थापा र भट्टराई निर्वाचित

भक्तपुर, जेठ ५
भक्तपुरको सुर्यविनायक नगरपालिकामा नेकपा एमालेका प्रमुख, उपप्रमुखमा निर्वाचित भएका छन । नेपाली कांग्रेस र एकिकृत समाजवादी पार्टीको गठबन्धनलाई पराजित गर्दै प्रमुखमा बासुदेव थापा र उपप्रमुखमा सरिता भट्टराई निर्वाचित भएको सहायक निर्वाचन अधिकृत सरिता खतिवडाले जानकारी दिनुभयो ।
निवर्तमान प्रमुख समेत रहनुभएका नेकपा एमालेका बासुदेव थापा १४ हजार ७५८ मतका साथ निर्वाचित हुनुभएको छ । उहाँका निकटम प्रतिद्धन्द्धी गठबन्धनकातर्फबाट उम्मेदवार बनेका नेपाली कांग्रेसका निशान ढुंगेलले १३ हजार २३२ मत प्राप्त गर्नुभयो ।
त्यसैगरी उपप्रमुखमा सरिता भट्टराई १४ हजार ४९० मतसहित निर्वाचित हुँदा उहाँका निकटम प्रतिद्धन्द्धी एकिकृत समाजवादी पाटी श्याम बस्नेतले ६ हजार ६६१ मत प्राप्त गर्नुभयो ।
नेकपा एमालेले सूर्यविनायकमा नगरप्रमुख, उपप्रमुख, सहित वडा नं. १, ५, ७, ८ र १० का वडाअध्यक्षसहित बहुमत सदस्य जित हात पारेको छ, भने नेपाली कांग्रेसले वडा नं. २, ३, ४, ६ र ९ मा वडाअध्यक्ष जितेको छ ।
सूर्यविनायकमा कांग्रेसले २०७४ को परिणामलाई सुधार गरेको छ । २०७४ मा कांग्रेसले वडा नं. २, ३ र ६ मात्र वडा अध्यक्ष जितेको थियो । यसपटक कांग्रेसले एमालेको गढकोरुपमा परिचित वडा नं. ४ र ९ मा वडाअध्यक्ष जित्न सफल भएको हो ।