भक्तपुर, असार १४
दोलखाको बैतेश्वर गाउँपालिका–४ स्थायी घर भई हाल भक्तपुर नगरपालिका– ९, चोखा बस्ने ३२ वर्षिय बसन्त दमाईलाई १२ वर्षिया बालिकालाई जबरजस्ती करणी गरेको अभियोगमा प्रहरीले आइतवार साँझ पक्राउ गरेको छ ।
आरोपी दमाईले कमलविनायकस्थित कोठामा बसिरहेकी १२ वर्षिया बालिकालाई घरमा कोही नभएको मौका पारी ललाई फकाई जबरजस्ती करणी गरेको भनी पिडितकी आमाले दिएको किटानी जाहेरीको आधारमा पक्राउ गरिएको महानगरिय प्रहरी परिसर भक्तपुरका सूचना अधिकारी प्रहरी नायव उपरिक्षक दिपक गिरीले जानकारी दिनुभयो ।
पिडित बालिकाको स्वास्थ्य परिक्षण र घटनाको बारेमा थप अनुसन्धान भइरहेको प्रनाउ गिरीले बताउनुभयो ।
