भक्तपुर, असार १७
भक्तपुरको गुण्डुमा शनिवार राती स्कुटी अनियन्त्रित भई दुर्घटना हुँदा एक जनाको मृत्यु भएको छ भने अर्को एक जना घाईते भएका छन । सूर्यविनायक नगरपालिका–७ गुण्डुबाट पाण्डुबजारतर्फ आउँदैं गरेको बा. ९३ प. ५८८१ नं.को स्कुटी तिनधारेमा आफैं अनियन्त्रित भई दुर्घटना हुँदा चालकको मृत्यु भएको हो ।
मृत्यु हुनेमा सूर्यविनायक नगरपालिका–६ पाण्डुबजार बस्ने ४५ वर्षिय कृष्ण कुमार त्वाटी हुन । दुर्घटनामा गम्भिर घाईते भएका त्वाटीलाई उपचारका लागि सल्लाघारीस्थित डा. इवामुरा अस्पताल लगिएकोमा त्यही उपचारका क्रममा मृत्यु भएको जिल्ला प्रहरी परिसर भक्तपुरका सूचना अधिकारी प्रहरी नायव उपरिक्षक बसन्त पाठकले बताउनुभयो ।
दुर्घटनामा स्कुटीमा सवार मृतक कृष्णकुमारका १९ वर्षिया छोरी अनिता त्वाटी घाईते भएकीमा उपचारपछि डिस्चार्ज भएको प्रनाउ पाठकले जानकारी दिनुभयो ।
