भक्तपुर, जेठ ७
भक्तपुर क्षेत्र नं. २ (२)का बागमती प्रदेश सभा सदस्य डा. राजेन्द्रमान श्रेष्ठ बागमती प्रदेशको कृषि तथा पशुपन्छी विकास मन्त्री नियुक्त हुनुभएको छ । बागमती प्रदेशका मुख्यमन्त्री शालिकराम जम्कट्टेलले आइतवार मन्त्रिपरिषद बिस्तार गर्दै डा. श्रेष्ठलाई मन्त्री नियुक्त गर्नुभएको हो ।
नेकपा एकिकृत समाजवादीका पोलिट्व्युरो सदस्य समेत रहनुभएका श्रेष्ठ गत मंसिर ४ गते सम्पन्न प्रदेश सभा सदस्यको निर्वाचनमा लोकतान्त्रिक वाम गठबन्धनको तर्फबाट उम्मेदवार भई विजयी हुनुभएको थियो ।
