भक्तपुर, जेठ २
नेकपा (एमाले) भक्तपुरको ९ औं अधिवेशन बिहिवारदेखी शुरु हुनेभएको छ । दुई दिने अधिवेशनले नेकपा एमाले भक्तपुरको नयाँ नेतृत्व चयन समेत गर्ने बुधवार आयोजित पत्रकार सम्मेलनमा जानकारी दिए ।
अधिवेशनमा पार्टीको विधान अनुसार जिल्लाका ४ वटै तहका वडाबाट चयन भएका प्रतिनिधि, जनवर्गिय संगठनका प्रतिनिधि, जिल्ला कार्यसमितिले मनोनित गरेका, सल्लाहकार परिषद र आयोजक समिति गरी कुल ४९८ जना प्रतिनिधिहरुको सहभागिता रहने पत्रकार सम्मेलनमा जिल्ला अध्यक्ष वचत देउजाले जानकारी दिनुभयो ।
चुनदेवीस्थित इम्पेरियल बैंक्वेटमा हुने अधिवेशनको उद्घाटन नेकपा एमालेका अध्यक्ष केपी शर्मा ओलीले गर्ने छ । अबिधेशनको बन्द सत्रमा पार्टीको राजनीतिक, संगठानिक, आर्थिक तथा लेखा प्रतिवेदन प्रस्तुत हुनेछ ।
अध्यक्ष देउजाले ९ औं जिल्ला अधिवेशनलाई भव्यरुपमा सम्पन्न गर्न विभिन्न समितिहरु बनाएर काम गरेको बताउनुभयो । उदघाटन कार्यक्रम भव्य बनाउन भक्तपुरका दुई ठाउँमा पार्टीका नेता, कार्यकर्ता भेला भएर ¥यालीसहित उदघाटन स्थलमा आउने कार्यक्रम रहेको देउजाले बताउनुभयो ।
उहाँका अनुसार सल्लाघारी चोकमा मध्यपुर थिमि नगर कमिटीका सबै बडाहरु, सूर्यविनायक नगर कमिटीका वडा नं १, २, ३, ४ र ५ साथै चाँगुनारायण नगर कमिटीका वडा न. १, २ र ३ का सहभागी भेला हुने छ ।
यसैगरी सूर्यविनायक चोकमा भक्तपुर नगर कमिटीका सबै वडाहरु, सूर्यविनायक नगर कमिटीका बडा नं. ६, ७, ८, ९ र १० साथै चाँगुनारायण नगर कमिटीका वडा नं.४, ५, ६, ७, ८ र ९, का सहभागी भेला भएर उद्घाटनस्थल पुग्ने छ ।
