भक्तपुर, कार्तिक १४
नेपाली कांग्रेस भक्तपुर क्षेत्र नं. २, प्रदेश सभा ‘क’ को प्रथम ऐतिहासिक सम्मेलनको लोगो सोमवार सार्वजनिक गरिएको छ । लोगो नेपाली कांग्रेस भक्तपुरका सभापति एवम् सांसद दुर्लभ थापा र केन्द्रीय सदस्य एवम् सांसद रमा कोइराला पौडेलले संयुक्तरुपमा सार्वजनिक गर्नुभएको हो ।
सो अवसरमा जिल्ला सभापति एवम् सांसद थापाले सम्मेलनले पार्टीलाई सुदृढिकरण, गतिशिल र क्रियासिल बनाउन तथा संगठनमा उर्जा थप्ने भएकाले सबैलाई एकमत भएर सम्मेलन सफल बनाउन लाग्न निर्देशन दिनुभयो ।
उहाँले सम्मेलनले कार्यकर्तामा उर्जा थप्ने र यस्ता खालका गतिविधिले संगठन चलाएमान र जनता तथा कार्यकर्ताको कुरा बुझ्ने सुवर्ण अवसर हुने बताउनुभयो । उहाँले पार्टीमा ब्यक्ति विशेष भन्दा पनि ईमान्दारका गरेको कार्यले पार्टीलाई बलियो बनाउने धारणा राख्नुभयो ।
केन्द्रीय सदस्य एवम् सांसद पौडेलले कार्यकर्ताको भावना र जनताको पिडा बुझेर अघि बढ्ने संगठन नै बलियो र मजबुद बन्ने भएकाले सम्मेलनले आम कार्यकर्ताको भावना बोल्न सक्नुपर्ने बताउनुभयो ।
क्षेत्र नं. २, प्रदेश सभा ‘क’का सभापति प्रदिप कार्कीले सम्मेलनमा पार्टीको नीति तथा कार्यक्रम, वार्षिक प्रतिवेदन, आर्थिक प्रतिवेदन प्रस्तुत हुने र ती प्रतिवेदन छलफल गरी पारित गर्ने जानकारी दिनुभयो ।
सम्मेलन यही कार्तिक १८ गते शनिवार केन्द्रीय सहमहामन्त्री भिष्मराज आडंदम्बेको प्रमुख आतिथ्यतामा दधिकोटमा हुँदैछ ।
