न्यूजअफ, ललितपुर, असाेज १३ गते ।
बु. सं. २५६७ औं को नेपाल बौद्ध परियत्ति शिक्षाको कक्षा ७ देखि १० सम्मको परीक्षा आजदेखि शुरु भएको छ ।
काठमाण्डौ, वानेश्वरस्थित विश्व शान्ति विहार परीक्षा केन्द्रमा काठमाण्डौ, भक्तपुर र काभ्रेका परीक्षार्थीहरु र ललितपुरको थैनामा रहेको यशोधरा मा.वि. परीक्षा केन्द्रमा ललितपुरका परीक्षार्थीहरुले परीक्षा दिइरहेका छन । यसका साथै देशका अन्य स्थानहरुमा पनि आजैदेखि परीक्षा शुरु भएको छ ।
आजदेखि शुरु भएको परीक्षाकाे प्रथम पत्रमा पालि भाषा लगायतका विषयहरू समावेश छन् ।
विश्व शान्ति विहारमा ५७ जना र यशोधरा मा.वि.मा ९० जना परीक्षार्थीहरु सहभागी छन् भने अमेरिका तथा अष्ट्रेलियाबाट समेत गरेर जम्मा २०२ जना परीक्षार्थीहरूले यसवर्षकाे कक्षा ७–१०सम्मकाे परीक्षा दिंदैछन ।
