भक्तपुर, भदौ २२
नेपालले आइसिसी महिला टि–२० विश्वकप एसिया क्षेत्र छनोटको सेमिफाइनलमा जितको लागि १०६ रनको लक्ष्य पाएको छ । टस हारेर पहिले व्याटिङको निम्तो पाएको थाइल्यान्डले निर्धारित २० ओभरमा २ विकेटको क्षतीमा १०५ रन बनाएपछि नेपालले १०६ रनको लक्ष्य पाएको हो ।
थाइल्यान्डले ओपनर सुवानान खिआटोलाई २ रनमा गुमाएपछि नट्थाकन चान्थम र नन्नापट कोन्चारोइन्केको जोडीले उत्कृष्ट पारी खेल्दै नेपाललाई चुनौतीपूर्ण लक्ष्य दिएको हो । चान्थम ४५ बलमा ३९ रन बनाउँदैं आउट भए । उनी पुजा महतोको बलमा काजोल श्रेष्ठद्धारा क्याच आउट भएका थिए । थाइल्यान्डका नन्नापट ६३ बलमा ५९ रन र चनिदा ८ बलमा ११ रन बनाउँदैं अविजित रहे ।
नेपालका लागि कविता कुँवरले ४ ओभरमा एक मेडनसहित १७ रन खर्चिएर एक विकेट लिए भने पुजा महतोले ३ ओभरमा २० रन खर्चिएर एक विकेट लिए ।
जवाफी व्याटिङ गरेको नेपालले पहिलो भोरमा एक विकेट गुमाएको छ । पहिलो ओभरको तेस्रो बलमा काजोल श्रेष्ठ शुन्यमा आउट भए ।
