भक्तपुर, जेठ २०
राष्ट्रिय स्वतन्त्र पार्टी (रास्वपा)को मध्यपुर थिमि नगर समितिको सभापतिमा न्हुँछेरत्न मानन्धर चयन हुनुभएको छ । रास्वपाको शनिवार थिमिको यचु पार्टी भेन्युमा सम्पन्न भेलाले मानन्धरको सभापतित्वमा १३ सदस्यीय कार्यसमिति चयन गरेको हो ।
भेलाले नगर समितिको उपसभापतिमा स्मृति भट्टराई (श्रेष्ठ), सचिवमा मुरारी नेपाल र कोषाध्यक्षमा समीर पौडेल चयन हुनुभएको छ । यसैगरी समितिको सदस्यहरुमा गुन्जना ढुंगाना, आराधाना बर्मा, अमित दाहाल, सुवास कोइराला, शैलेस जोशी, नरेश राज बज्राचार्य, श्याम जोशी, अश्विन खनाल र उषा प्रजापति रहेका छन ।
भेलामा रास्वपाका सांसद एवम् सचेतक सन्तोष परियार, सांसदहरु विराजभक्त श्रेष्ठ र विन्दवासिनी कंसाकारले रास्वपाको गठनको उद्देश्यमाथि प्रकाश पार्दै राजनीतिमा देखिएको विसंगती र विकृति विरुद्ध रास्वपा रहेको बताउनुभयो ।
रास्वपा जिल्ला सभापति रामेश्वर बस्नेतको सभापतित्वमा सम्पन्न भेलामा रास्वपा केन्द्रीय सदस्य कुसुम महर्जन, प्रमिला कुलुजु, ललितपुर जिल्ला सभापति, चाँगुनारायण नगर सभापति, सूर्यविनायक नगर सभापति, युवा नेता साजन विकलगायतको सहभागिता रहेको थियो ।
