भक्तपुर, मंसिर ११
काठमाण्डौं उपत्यकाका विभिन्न स्थानको पार्किङ स्थलबाट श्रृंखलावद्ध रुपमा मोटरसाइकल चोरी गर्ने एक जनालाई काठमाण्डौं उपत्यका अपराध अनुसन्धान कार्यालय मिनभवनको प्रहरी टोलीले पक्राउ गरेको छ ।
पक्राउ पर्नेमा सुर्खेतको भेरीगंगा नगरपालिका ४ घर भई हाल ललितपुर इमाडोल २८ वर्षिय भुपेन्द्र बहादुर बुढामगर छन । उनलाई प्रहरीले भक्तपुरको राधेराधेस्थित भाटभटेनी सुपर मार्केटको पार्किङ स्थलबाट चोरी भएको यामाहा एफजेड मोटरसाइकलसहित त्रिभुवन अन्तराष्ट्रिय विमानस्थल नजिकबाट पक्राउ गरेको हो ।
उनलाई पक्राउपछि थप अनुसन्धान गर्ने क्रममा विभिन्न मितिमा त्रिभुवन अन्तराष्ट्रिय विमानस्थलको पार्किङ स्थलबाट रोयल इन्फिल कम्पनीको ३५० सिसीको क्लासिक, बजाज कम्पनीको २२० र १५० सिसीको पल्सर दुई थानसहित ३ थान मोटरसाइकल चोरी गरेको खुल्न आएको काठमाण्डौं उपत्यका अपराध अनुसन्धान कार्यालय मिनभवनका प्रवक्ता प्रहरी उपरिक्षक (एसपी) कृष्णप्रसाद कोइरालाले बताउनुभयो ।
पक्राउ परेका बुढामगरलाई थप अनुसन्धानका लागि प्रहरी वृत्त गौसाला पठाएको एसपी कोइरालाले जानकारी दिनुभयो ।
