अक्षय तृतीयाकाे भाेलिपल्टबाट शुरू भएकाे बुंगम लाेकश्वर अर्थात राताे मच्छिन्द्रनाथ र मीननाथकाे रथ यात्रा आज साँझ ललितपुरकाे नुगः अर्थात सुन्धाराबाट लगनखेलतिर तानिने छ ।
२ दिन अगाडि मंगलबजारबाट सुन्धारा पुर्याइएका यी रथ हिजाे एकदिनकाे विश्रामपछि आज पुनः तानिन लागेकाे हाे ।
हरेक वर्ष रथ यात्राकाे क्रममा मच्छिन्द्रनाथकाे रथलाइ मुख्यतः गाबहाल, सुन्धारा, लगनखेल र जावलाखेलमा विश्राम गराइन्छ र त्यस भेगका वासिन्दाहरूकाे जात्रा हुने गर्दछ । जुन दिनमा रथ पुर्याइन्छ त्यसदिनमा ‘छ्वयला भू’ र त्यसकाे भाेलिपल्ट ‘भुजा याः’ मनाइन्छ र आफन्तहरू समेत आमन्त्रण गरी भाेज खाने परम्परा रही आएकाे छ ।
रथ यात्रा शुरू भएदेखि मच्छिन्द्रनाथ र मीननाथकाे दर्शन गर्न हरेक दिन भक्तजनहरूकाे घुँइचाे लाग्ने गर्दछ । यसै क्रममा सुन्धारामा प्रातःकालिन चहलपहलका केही दृष्य –
