सम्भवतः विश्वकै सबैभन्दा लामाे जात्रा बुंगद्यः अर्थात राताे मच्छिन्द्रनाथकाे रथ यात्रा हिजाे बैशाख २१ गतेदेखि ललितपुरमा शुरू भएकाे छ । रथ यात्राकाे शुरूकाे दिन हिजाे ललितपुरकाे पुल्चाेकबाट गाबहालसम्म रथ तानेर पुर्याइएकाे थियाे ।
वर्षा र सहकालका देवताका रूपमा पुजिएका करूणामय, लाेकेश्वर अादि अनेक नामबाट पनि पुजिने यस देवतालाइ ललितपुरका विभिन्न स्थानमा पुर्याइन्छ र त्यस ठाउँका भक्तजनहरूले उक्त दिन र त्यसकाे भाेलिपल्ट जात्रा मनाउने गरिन्छ ।
मच्छिन्द्रनाथकाे रथ सँगसँगै मीननाथकाे रथ पनि तानेर नगर परिक्रमा गराउने परम्परा रहेकाे छ ।
