भक्तपुर, असार २७
तपाईं घरमै बसी बसी रेष्टुरेन्टको मज्जा लिन चाहनुहुन्छ भने काठमाण्डौंमा अर्को अजलाइन फुड डेलिभरी सेवा सञ्चालनमा आएको छ । लस्कर फुड्सले सेवा शुरु गरेसँगै काठमाण्डौंमा थप अर्को अनलाइन फुड डेलिभरी सेवा सञ्चालनमा आएको हो ।
लस्कर फुड्सको काठमाण्डौंका विभिन्न स्थानमा आफ्नै भान्सा रहेको र सो भान्साबाट ग्राहकले अर्डर गरेको खाना तोकिएको समयभित्र ताजा र स्वस्थकर खाना डेलिभरी दिने व्यवस्था भएको लस्कर फुड्सका प्रमुख कार्यकारी अधिकृत सुमन ओस्तीले जानकारी दिनुभयो ।
भौतिक रुपमा मानिसहरु रेष्टुरेण्टमा उपस्थिति भई खानाका विभिन्न परिकारको स्वाद लिन असमर्थ उपभोक्ताहरुलाई लक्षित गरी लस्कर फुड्स सञ्चालनमा ल्याएको ओस्तीले बताउनुभयो । ग्राहकले चाहेको खानेकुरा सजिलैसँग घरघरमा पु¥याउने लक्ष्य लस्कर फुड्सले लिएको छ । ‘गुणस्तरीय खानेकुरा अनलाइन मार्फत घरमै उपलब्ध गराउने लक्ष्य हाम्रो रहेको छ,’ ओस्तीले भन्नुभयो ।
बजारमा दर्जनौं फुड डेलिभरी प्लेटफर्म रहेपनि लस्कर फुड्स तीबाट भिन्न रहेको ओस्तीको दावी रहेको छ । लस्कर फुड्सले ग्राहकलाई विभिन्न अफर पनि प्रदान गरेको छ । सेवा शुरुवात भएको अवसरमा लस्कर फुड्सले निःशुल्क डेलिभरी, दुईमा एक फ्रि विरियानी अफर अघि सारेको ओस्तीले बताउनुभयो ।
प्रभु–पे, इसेवा, खल्तीका साथै क्यास अन डेलिभरीबाट विल तिर्न मिल्ने कम्पनीका निर्देशक मनिष सिंहले जानकारी दिनुभयो । लस्कर फुड्सले ठमेल पकनाजोलमा रहेको कार्यालयको नम्बर ९८२४११६९२६, ९८०१३०६९२६ मा सम्पर्क गरेर वा लस्कर फुड्सको एपबाट खानाको अर्डर दिन सकिने व्यवस्था गरेको छ ।
