भक्तपुर, जेठ २७
नेपाल रेडक्रस सोसाईटी जिल्ला शाखा भक्तपुरले अधिकार सम्पन्न भक्तपुर रक्तसञ्चार टास्कफोर्स गठन गरेको छ । रेडक्रसको बिहिवार भच्र्युल माध्यमबाट सम्पन्न छलफलले कोभिड महामारीको अहिलेको विषम परिस्थीमा रगतको अभाव हुन नदिन शाखाका मन्त्री परशुराम पाण्डेको संयोजकत्वमा टास्कफोर्स गठन गरेको हो ।
रगतको अभावले कुनैपनि बिरामीको मृत्यु नहोस भन्ने उद्देश्यले टास्कफोर्स गठन गरिएको जिल्ला सभापति मनोजकुमार थापाले बताउनुभयो । ‘अन्य बिरामिका साथै कोरोना संक्रमितको उपचारमा समेत रगत आवश्यकता पर्न सक्छ । तर यस्तो विषम परिस्थितीमा रक्तदान कार्यक्रमलाई व्यवस्थित र सुरक्षित बनाउनुका साथै रक्तदाताहरुलाई रगत दान दिने वातावरण निर्माणका लागि पनि टास्कफोर्स गठन गरेको हो,’ उहाँले भन्नुभयो । उहाँले रगत अभावमा कसैको ज्यान नजाओस भन्ने मुख्य उद्देश्यले टास्कफोर्स गठन गरिएको बताउनुभयो ।
टास्कफोर्सका सदस्यहरुमा रेडक्रसका विभिन्न उपशाखाका सभापतिहरु सोम प्रसाद प्रधान, राकेश थापा, कल्पदिप खड्का, दिवाकार सिलवाल, निर्मला थापा, विदुर नेपाल, संघ संस्थाहरुको तर्फबाट पातञ्जल योग समिति नेपालका केन्द्रिय महासचिव नबराज काफ्ले छन भने सदस्य सचिवमा रेडक्रस सोसाईटी भक्तपुरका कार्यालय प्रमुख उमा थापा छन ।
