काठमाण्डाै, माघ ६ गते ।
यही पुष ३० गतेदेखि माघ ६ गतेसम्म यसवर्षको दोश्रो बाल ध्यानभावना शिविर अन्तर्राष्ट्रिय बाैद्ध भावना केन्द्र शंखमूलमा एक समारोहका बीच आज सम्पन भएको छ । भगवान बुद्धको उपदेश अनुसार दसशील पालना गरेर उक्त शिविरमा ९ जना बालिका र १४ जना बालकहरु सामेल भएका थिए ।
शिविरको अन्तिम दिन आज शिविर अवधिभर गरिएका लिखित, मौखिक परीक्षा एवं हाजिरीजवाफ प्रतियोगीता आदिका प्रथम, द्वितीय, तृतीय भएका साधकसाधिकाहरुलाई उक्त केन्द्रका कम्मथनाचार्य सयादो ऊ इन्दक महास्थविरले पुरस्कारहरु प्रदान गर्नुभएको थियो ।
भगवान बुद्धको शिक्षा साना बालअवस्था देखि नै सिक्नुपर्ने भएकाले पनि यस्ता बाल शिविरहरु महत्वपूर्ण हुने कुरा उहाँले धर्मदेशना दिनुहुँदै शिविर अवधिभर सिकेका बुद्ध शिक्षाले बालबालिकाहरुलाई नैतिकवान बनाउन मद्दत पुग्ने बताउनुभयो ।
केही श्रामणेरहरुले ध्यान शिविरमा बस्दाको ध्यान अनुभव पनि उक्त समापन समारोहमा व्यक्त गर्नुभएको थियो ।
त्यसमा ९ जना बालिकाहरु नै ऋषिणीका रुपमा र ४ जना बालकहरु श्रामणेरका रुपमा सहभागी भएका थिए ।
बाल शिविरमा प्रत्येक दिन ध्यान बस्ने लगायत भगवान बुद्धको शिक्षाका बारेमा सहभागी बालबालिकाहरुलाई सिकाउने पनि गरिएको थियो । प्रत्येक दिनको समय तालिका यस प्रकार छ ।
