भक्तपुर, असार ४
मध्यपुर थिमि नगरपालिकाले सिन्धुपाल्चोकको दुई स्थानीय तहलाई आर्थिक सहयोग गर्नेभएको छ । नगरपलिकाको शुक्रवार बसेको नगर कार्यपालिका बैठकले सिन्धुपाल्चोकको मेलम्ची नगरपालिका र हेलम्बू गाउँपालिकालाई जनही ११ लाख ११ हजार १११ रुपैंया सहयोग गर्ने निर्णय गरेको हो ।
हालै मेलम्ची नदिमा आएको भिषण बाढीले ती दुई स्थानीय तहमा ठूलो क्षति गरेकोमा कार्यपालिका बैठकले दुःख व्यक्त गर्दै आर्थिक सहयोग गर्ने निर्णय गरेको नगरप्रमुख मदनसुन्दर श्रेष्ठले बताउनुभयो ।
