भक्तपुर, चैत्र २१
काठमाण्डौंको धापासीमा एक नाबालिकालाई सामूहिक जबरजस्ती करणी गरेको अभियोगमा काठमाण्डौं उपत्यका अपराध अनुसन्धान कार्यालयको प्रहरी टोलीले दुई युवकलाई पक्राउ गरेको छ ।
पक्राउ पर्नेहरुमा हाल काठमाण्डौं टोखा नगरपालिका–३ धापासी बस्ने सन्धुपाल्चोक मेलम्ची नगरपालिका–३ का २१ वर्षिय आशिष तामाङ भन्ने निमा तामाङ र काभ्रेपलाञ्चोक महाभारत गाउँपालिका–७ का २१ वर्षिय कुशल श्रेष्ठ हुन ।
प्रहरीका अनुसार निमाले आशिष तामाङको नाममा फेसबुक आईडी खोली पिडित बालिकालाई साथी बनाए । फेसबुकमा कुराकानी गर्ने क्रममा भेटघाटका लागि बोलाई गत फागुन ६ गते टोखाको ग्राण्डी अस्पताल नजिक रहेको गेष्ट हाउसमा लगी सामुहिक जबरजस्ती करणी गरी फरार भएको काठमाण्डौं उपत्यका अपराध अनुसन्धान कार्यालयका सूचना अधिकारी प्रहरी उपरिक्षक (एसपी)रविन्द्र रेग्मीले बताउनुभयो ।
पक्राउ परेका दुवै जनालाई थप अनुसन्धान र कारवाहीका लागि प्रहरी वृत्त महाराजगञ्ज पठाएको एसपी रेग्मीले जानकारी दिनुभयो ।
