न्यूजअफ, ललितपुर, कार्तिक ३ गते ।
ललितपुर जिल्लाको दक्षिण भेगमा अवस्थित माझखण्ड बुद्ध विहारमा भिक्षु बोधिज्ञान महास्थविरको निर्देशनमा यही कार्तिक १ गतेदेखि १० दिवसीय ध्यान शिविर शुरु भएको छ ।
यस शिविरमा बसेर ध्यान, चंक्रमण ध्यान, जंगल ध्यानका साथै धम्मदेशना पनि दिने गरिएको छ ।
चिहान डाँडा, सल्ले डाँडा लगायतका जंगलहरुमा चंक्रमण गएर जंगलमा ध्यान बस्ने गरिएको छ ।
विहान ५ बजेदेखि बेलुका ८ः३० बजेसम्म ध्यानको समय तालिका मिलाइएको छ ।
शिविरमा ५ जना भन्तेहरु लगायत विश्व शान्ति विहारका २३ सहित अन्य १४ जना श्रामणेरहरु तथा १२ जना ऋषिणीहरु र ३ जना गुरुमाहरु गरी जम्मा ५७ जना शिविरमा सम्मिलित छन । जसमा दक्षिण अफ्रिकी मुलुक कंगाे एकजना भिक्षु समेत सहभागी छन ।
