भक्तपुर, कार्तिक १
मध्यपुर थिमि–९ राधेराधेमा रुवेन एण्ड रिनभ ईन्टरप्राईजेजले न्युम्यु ब्राण्डको चस्मा पसल र सोरुम सञ्चालनमा आएको छ । रोधरोधस्थित भाटभटेनी अगाडि स्थानीय रिभु चक्रधरले सो पसल सञ्चालनमा ल्याएको हो ।
बडादशैंको अवसर पारेर शुरु गरिएको चस्मा पसलमा दशैं अफर समेत रहेको छ । विभिन्न प्रकारका चस्मामा छुटको व्यवस्था समेत गरिएको सञ्चालक रुवेन एण्ड रिनभ ईन्टरप्राईजेजका प्रोपाइटर चक्रधरले बताउनुभयो ।
हाललाई चस्मा मात्र बिक्रि वितरण गरिने भएपनि चाडपर्व सकिएपछि आँखा विशेषज्ञसहित आँखा जाँच सेवा समेत शुरु गरिने चक्रधरले जानकारी दिनुभयो ।
पसलको शुभारम्भ गर्दै भक्तपुर क्षेत्र नं. १ का प्रतिनिधि सभा सदस्य सांसद दुर्लभ थापाले आर्थिक मन्दीकाबीच नेपालमा नै केही गर्छु भन्ने व्यवसायीलाई सबैले प्रोत्साहित गर्नुपर्ने बताउनुभयो ।
न्युम्युले नेपालमा सन् २०१५ देखी विभिन्न प्रकारका चस्मा बिक्रि वितरण शुरु गरेको थियो । न्युम्युले काठमाण्डौं उपत्यकालगायत देशका विभिन्न शहरमा गरी एक दर्जन भन्दा स्थानमा सो रुम सञ्चालनमा ल्याईसकेको छ ।
