भक्तपुर, बैशाख २८
अनलाइनमा मोबाइल विक्रीको नक्कली विज्ञापन राखी ठगी गरेको आरोपमा काठमाण्डौं उपत्यका अपराध अनुसन्धान कार्यालयको प्रहरीले १९ वर्षिय एक युवकलाई पक्राउ गरेको छ । पक्राउ पर्नेमा जनकपुरधान उपमहानगरपालिका–४ क्याम्पस चोक घर भई हाल काठमाडौं महानगरपालिका–२९ डिल्लीबजारमा बस्ने आदित्य कर्ण रहेका छन् ।
कर्णले सामाजिक सञ्जाल फेसबुक, ह्वाट्स एप, इन्स्टाग्राम र भाइबरमा सम्पर्क नम्बरसहित आकर्षकरुपमा विभिन्न ब्राण्डका महँगो मोवाइल सेट बिक्रिमा राखी ती मोवाइल सेट बिक्रिका लागि ग्राहकहरुसँग कुराकानी समेत गरी कुरियर र कार्गो मार्फत मोवाइल डेलीभरी दिन्छुभनी विश्वास दिलाई ४ लाख ५० हजार ठगी गरेको उजुरीको आधारमा पक्राउ गरिएको हो ।
उनी विरुद्ध १५ जनाले उजुरी गरेको काठमाण्डौं उपत्यका अपराध अनुसन्धान कार्यालयका सूचना अधिकारी प्रहरी उपरिक्षक (एसपी) रविन्द्र रेग्मीले बताउनुभयो । उनलाई ठगी सम्बन्धी कसूरमा आवश्यक अनुसन्धान एवं कारबाहीको लागि जिल्ला प्रहरी परिसर टेकुमा पठाइएको रेग्मीले जानकारी दिनुभयो ।
