भक्तपुर, बैशाख २६
भक्तपुरको बालकोटमा गत शुक्रवार भएको सांघातिक हमलाविरुद्ध प्रहरीले जाहेरी लिन नमानेपछि पिडितले सरकारी वकिलको कार्यालयमार्फत जोहरी दिने तयारी गरेको छ ।
जग्गाको साँध विवादमा भक्तपुरको सूर्यविनायक नगरपालिका २, बालकोट कृष्णभक्त श्रेष्ठको परिवारमाथि शुक्रवार सांघातिक हमला भएको थियो । सो घटनामा कृष्णभक्तका दुई छोरा र पत्नीसमेत घाईते भएको थियो । उनीहरुको भक्तपुर ईन्टरनेशनल अस्पताल कौशलटारमा उपचार भएको थियो ।
कृष्णभक्त र सशस्त्र प्रहरी बलका प्रहरी नायव उपरिक्षक समेत रहनुभएका पंकज पौडेलबीच जग्गाको साँध सिमानाको विषयमा लामो समयदेखी विवाद चलिरहेको छ । सो विषय अदालतमा समेत विचाराधिन रहेको अवस्थामा शुक्रवार एक समूहले कृष्णभक्तको परिवारमाथि सांघातिक हमला गरेको थियो ।
सो घटनाको सम्बन्धमा सोमवार प्रहरी वृत्त थिमिमा भएको छलफलमा कुनै निष्कर्ष ननिस्किएपछि पिडित सरकारी वकिल कार्यालयमार्फत कानुनी उपचारमा जान लागेको हो ।
प्रहरी वृत्तमा भएको छलफलमा प्रहरीले जाहेरी लिने भन्दा पनि घटनालाई सहमतिमा समाधान गर्न जोड दिएको पिडितको भनाई छ ।
प्रहरीले भने दुवै पक्षले जाहेरी लिएर आएकोले दर्ता नगरिएको जनाएको छ । वृत्तका प्रमुख प्रहरी नायव उपरिक्षक रविन श्रेष्ठले जग्गा सम्बन्धी पुरानो विवादमा झडप भएको र घटनामा दुवै पक्ष घाईते समेत भएको जानकारी दिँदैं दुवै पक्षले जोहरी लिएर आएकाले तत्कालका लागि जोहरी दर्ता नगरी छलफलबाट समस्या समाधान गर्ने प्रयास गरिएको बताउनुभयो ।
यसैबीच नेपाली कांग्रेस भक्तपुर क्षेत्र नं. २ कार्यसमितिले सोमवार एक प्रेस विज्ञप्ती जारी गर्दै कृष्णभक्त श्रेष्ठको परिवारमाथि सांघातिक हमला गर्ने समूहलाई कडा कारवाहीको माग गरेको छ । पार्टी क्षेत्रीय सभापति भेषबहादुर कार्कीले जारी विज्ञप्तीमा घरमा बसीरहेको अवस्थामा श्रेष्ठ परिवारलाई दजर्नौ अपरिचित व्यक्तिहरु भेला पारेर स्थानीय राजन पौडेल र निजकी श्रीमति करुणा पौडेलले उक्त आक्रमण गराएको उल्लेख छ ।
विज्ञप्तीमा प्रहरीले पिडितको जाहेरी दर्ता गरी यथोचित कानुनी कारवाही गरी न्याय प्रदान गर्न माग समेत गरेको छ ।
