भक्तपुर, माघ ११
थाइल्याण्डको बैंककस्थित ह्वामार्क इन्डोर स्टेडियममा जारी एएसबीसी एसियन यु–२२ बक्सिङ च्याम्पियनसिप २०२३ मा नेपाली मुक्केवाज सुस्मा तामाङ रजत पदकमा सिमित भएका छन ।
महिला ४८ किलो तौल समुहको फाईनलमा सुस्मा उज्वेकिस्तानी मुक्केबाज फोजिलोभा फरजोनासंग ५–० अंकको आधारमा पराजित हुँदै रजत पदकमा सिमित बनेका हुन ।
उनले क्वाटरफाईनलमा भियतनामकी क्यूनहानलाई ५–० अंक र सेमिफाईनलमा मंगोलियाका बेस्येन्वेई जर्नागुलीलाई तेस्रो राउण्डमा रेफ्रि स्टोप कन्टेस्ट (आरएससी) को आधारमा पराजित फाइनल प्रवेश गरेका थिए ।
त्यसैगरी महिला ५७ किलो तौल समुहमा हेमा राईले कास्य पदक जितिन । उनले सिंगापुरका खेलाडीलाई ५–० अंकको आधारमा पराजित गर्दै सेमिफाईनलमा स्थान बनाएका थिए । सेमिफाइनलमा हेमा मंगोलियाका बत्तुर जोल्जारगलसँग ५–० अंकको आधारमा पराजित हुँदैं कास्य पदकमा सिमित भएका हुन ।
महिला ७५ केजी तौल समुहमा त्रिशा जवेगु काजिकिस्तानी एरजन गुल्सायसंग ५–० अंकले पराजय भोग्दै कास्य पदक जितिन ।
मेडल तथा पुरस्कार वितरण समारोहमा थाईल्याण्डका लागि नेपाली राजदुत गणेश प्रसाद ढकाल, नेपाल बक्सिङ संघका सदस्य तथा प्रवक्ता अन्तर्राष्ट्रिय कोअडिनेटर श्यामकाजी अवाले समेतको उपस्थिति रहेको थियो ।
