भक्तपुर नगरपालिका २ मा नेमकिपाको प्यानल निर्वाचित

भक्तपुर, जेठ १
भक्तपुर नगरपालिकामा–२ मा नेमकिपाको प्यानलनै जीत भएको छ । गत बैशाख ३० गते सम्पन्न निर्वाचनको मत परिणाम अनुसार भक्तपुरको वडा नं. २ को अध्यक्षमा नेमकिपाको हरिप्रसाद बासुकलाको प्यानलै जीत भएको हो ।
बासुकलाले २ हजार ५९९ मत ल्याई विजयी हुँदा उहाँका निकटम प्रतिद्धन्द्धी देको मिवा ईंतापाके जग्गा एकीकरण संघर्ष समितिकातर्फबाट स्वतन्त्र उठेका सन्चज्ञान याकामीले ८ सय ५३ मत ल्याएको भक्तपुरका सुचना अधिकारी भिम बिसीले जानकारी दिनुभयो ।
त्यसैगरी भक्तपुर नपाको मतगणनामा नेमकिपाले अग्रता कायम गरेको छ । जसमध्ये नेमकिपाको नगरप्रमुखमा सुनिल प्रजापतिले ११ हजार ४०१ मत प्राप्त गरी अग्रता लिनुभएको छ । उहाँका निकटम प्रतिद्धन्द्धी नेपाली कांग्रेसका रामप्रसाद कासुलाले २०३६, नेकपा एमालेका रविन्द्र्र लाछिमस्युले १३४४, नेकपा माओवादी केन्द्रका तुल्सीभक्त सुवालले ३८८ र स्वतन्त्रतर्फबाट सत्यराम त्वायनाले १२२५ मत प्राप्त गरेका छन ।
उपप्रमुखमा नेमकिपाका रजनी जोशीले ११ हजार ५९५ गठबन्धनका तर्फबाट नेकपा एकिकृत समाजवादी पार्टीका ओमचरण अमात्यले ११९९, नेकपा माओवादी केन्द्रका इन्द्रमाया सुवालले ४५३, नेकपा एमालेका रञ्जना चापागाई खर्बुजाले १४५२ मत प्राप्त गरेको छ ।