भक्तपुर, माघ १५
काठमाण्डौंको दशरथ रंगशालामा जारी मौरिसस विरुद्धको पहिलो अन्तराष्ट्रिय मैत्रीपूर्ण खेलमा नेपालले दोस्रो हापको ५५ औं मिनेटमा अग्रता लिएको छ । नेपालका लागि खेलको ५५ औं मिनेटमा विमल घर्तीमगरले अग्रता दिलाएका हुन ।
प्रतिबन्ध र चोटबाट फर्किएर राष्ट्रिय टोलीमा पुनरागमन गरेका विमलले अञ्जन विष्टको पासमा गोल गर्दै नेपाललाई महत्वपूर्ण अग्रता दिलाएका हुन । उनको प्रहार पोलमा लाग्दै गोलमा परिणत भएको थियो । उनले सन् २०१८ मा भएको साफ च्याम्पियनसिपपछि पहिलो गोल गरेका हुन् । यससँगै बिमलको गोलसंख्या ९ पुगेको छ ।
