भक्तपुर विद्युतिय सामग्री व्यवसायी संघमा नयाँ नेतृत्व

भक्तपुर, पुस २४
भक्तपुर विद्युतिय सामग्री व्यवसायी संघमा नयाँ नेतृत्व चयन भएको छ । संघको शनिवार सम्पन्न १२औं वार्षिक साधारणसभा तथा छैठौं अधिवेशनले गंगाराम मानन्धरको अध्यक्षतामा नयाँ नेतृत्व सर्वसम्मतरुपमा चयन गरेको हो ।
अधिवेशनले कार्यसमितिको उपाध्यक्षहरुमा रामगोपाल सुवाल, रूकेश रञ्जीत, चन्द्र श्रेष्ठ महासचिवमा रामप्रसाद खर्वुजा, सचिवमा अल्वर्ट बज्राचार्य, कोषाध्यक्षमा श्याम दुवाल, सहकोषाध्यक्षमा बुद्धी कुमार मुस्याख्वलाई चयन गरेको छ । यस्तै सदस्यहरूमा शिवराम बैद्य, श्याम सुन्दर नगरकोटी, अर्जुन गोपाल द्यौभडेल, विश्वराम खर्वुजा र राकेश प्रजापतिलाई सर्वसम्मत चयन गरेको छ ।
अधिवेशनको उद्घाटन गर्दै नेपाली सिने जगतका चर्चित नायिका तथा रिसिक ट्रेडिङ्ग कन्सर्न प्रा लि का कार्यकारी निर्देशक करिस्मा मानन्धरले हरेक क्षेत्रमा चुनौती रहेको बताउनुभयो । उहाँले चुनौतीहरुलाई पार गर्दै अघि बढ्न सकेमात्र कुनै क्षेत्रमा सफल हुनेमा विश्वास व्यक्त गर्नुभयो । उहाँले सिने क्षेत्रबाट भर्खरै व्यवसायीक क्षेत्रमा प्रवेश गरेकोले आफु सिक्ने क्रममा रहेको बताउँदैं यसरी नै सबैसँग हातेमालो गरेर अघि बढ्ने प्रतिवद्धता व्यक्त गर्नुभयो ।
कार्यक्रममा भक्तपुर उद्योग वाणिज्य संघका अध्यक्ष शिव प्रसाद मानन्धरले व्यवसायिक एकता अपरिहार्य रहेको बताउनुभयो । उहाँले पछिल्लो समय कोरोना भाइरसका कारण व्यापार व्यवसाय धराशयी बन्दै गएको अवस्थामा व्यवसायिक एकता भए मात्र त्यस्ता चुनौतीहरुलाई पार गर्न सकिने बताउनुभयो । व्यवसायमा इमान्दारी पनि आवश्यक भएको बताउँदैं उहाँले सबै व्यवसायीलाई इमान्दारीपूर्वक व्यवसाय गर्नुपर्नेमा जोड दिनुभयो ।
भक्तपुर चेम्बर अफ कमर्सका अध्यक्ष न्हुछेरत्न मानन्धरले कोभिड महामारीमा व्यवसायीहरुले सामाजिक उत्तरदायित्वको उत्कृष्ट नमूना प्रस्तुत गरेको भन्दै प्रशंसा गर्नुभयो । कोभिडका कारण आफ्नो व्यवसाय ठप्प भएपनि घरभित्र बन्दी बन्नु परेका र कोभिडले संक्रमितहरुको सेवामा व्यवसायीहरुले उत्कृष्ट कार्य गरेको बताउनुभयो ।
कार्यक्रममा नेपाल मोबाइल ब्यवसायी महासघंका सचिव दिलबहादुर तामाङ, संघका सचिव रामप्रसाद खर्बुजा, महासचिव चन्द्रभक्त श्रेष्ठ र उपाध्यक्ष गंगाराम मानन्धरले संघको गतिविधि लगायतका विषयमा जानकारी गराउनुभएको थियो ।
अधिवेशनको बन्दसत्रले महासचिव चन्द्रभक्त श्रेष्ठ र कोषाध्यक्ष अल्वर्ट बज्राचार्यले प्रस्तुत गर्नुभएको प्रतिवेदन सर्वसम्मतले पारित गरेको थियो ।


भक्तपुर मोवाइल ब्यवसायी संघमा नगरकोटी
यसैगरी भक्तपुर मोवाइल ब्यवसायी संघको अध्यक्षमा श्यामसुन्दर नगरकोटी सर्वसम्मत चयन हुनुभएको छ । संघको शनिवार सम्पन्न प्रथम अधिवेशनले नगरकोटीको अध्यक्षमा नयाँ कार्यसमिति सर्वसम्मत चयन गरेको हो ।
संघको उपाध्यक्षमा होम प्रसाद बजगाई, सचिवमा विमल गोले तामाङ कोषाध्यक्षमा लव कृष्ण श्रेष्ठ चयन भएका छन भने सदस्यहरुमा रविन लामा, रोशन अधिकारी, आकास गिरी, रामगोपाल ख्वालापाला, रोशन श्रेष्ठ, कृष्ण चन्द्र कर्माचार्य, डेनिस दुवाल, दिपेश श्रेष्ठ र रमेश खायामली सर्वसम्मतरुपमा चयन भएका छन ।