विरियानी अड्डाको नयाँ शाखा सानोथिमि प्लानिङमा

भक्तपुर, मंसिर २६
के तपाई बिरियानीका पारखी हुनुहुन्छ ? यदी तपाईं साँच्चै विरियानीका पारखी हुनुहुन्छ भने अब तपाईंको घरमा विरियानीका परिकार आइपुग्ने भएको छ ।
लामो समय युरोपका विभिन्न शहर र दुवई, अष्ट्रेलियामा वैदेशिक रोजगारी अन्तर्गत होटल व्यवसायमा रहेका युवाहरुको समूहले नेपालमा शुरु गरेको विरियानी अड्डाको शाखा भक्तपुरको मध्यपुर थिमि–२ सानोथिमि प्लानिङमा पनि खुलेको छ ।
खानाका पारखीहरुले सधै नयाँपन र नयाँ स्वाद खोजीरहने भएकाले नेपालमा विरियानीको बजारीकरण शुरु गरिएको विरियानी अड्डाका सञ्चालक राजन खनालले बताउनुभयो ।
नेपालमा आइसकेपछि नेपालको बजारमा पाईने विरियानीको तीन महिना लामो अध्ययन र अनुसधन गर्दा मूल्यमा महँगो भएको र विरियानीको मौलिक स्वाद नभएको पाईएपछि यसैमा केही गर्न सकिन्छ भनेर विरियानी अड्डाको अवधारणा अघि सारेको उहाँले बताउनुभयो ।
‘नेपालमा विरियानी अड्डको रुपमा पहिलो शाखा खोलिएको तीन महिनामा नै कोरोना भाइरसको महामारी नियन्त्रणका लागि लकडाउन भयो । लकडाउन भएको २० दिनपछि नै विरियानी अड्डालाई सूचारु गर्दै अनलाइन डेलीभरी सेवा शुरु गरी लकडाउनलाई अवसरको रुपमा सदुपयोग गरें, उहाँले भन्नुभयो ।
लकडाउनकै बीच बालुवाटारमा विरियानीको अर्को शाखा बिस्तार गरिएको जानकारी दिँदैं खनालले लकडाउनमा काठमाण्डौं सुतिरहँदा आफुहरु भने उठीरहेको टिप्पणी गर्नुभयो । उहाँले भन्नुभयो, ‘लकडाउनमा काठमाण्डौं सुतिरहयो, हामी उठी रहयौं ।’
उहाँले विरियानी अड्डाको पहिलो लक्ष्य र उद्देश्य ग्राहक एवम् उपभोक्ताको सन्तुष्टि रहेको बताउनुभयो । ‘ग्राहक सन्तुष्ट भयो भने फेरीफेरी आउनु हुन्छ र व्यापार फस्टाउँछ । ग्राहक नै आउनु भएन भने लगानीको के अर्थ रहयो र,’ उहाँले भन्नुभयो, ‘लगानी गरेपछि नाफा खोज्नु स्वभाविक हो, तर हाम्रो पहिलो उद्देश्य ग्राहकको सन्तुष्टि हो । त्यसपछि मूनाफा ।’
विरियानी अड्डामा विरियानीका विभिन्न परिकारसँगै इण्डियन खाना र नेपाली क्लासिकल खानाका साथै मम चाउमिन जस्ता परिकार पाईने छ ।
उपत्यकामा ८ वटा स्थानमा विरियानी अड्डाको शाखा बिस्तार गर्ने लक्ष्य रहेको खनालले बताउनुभयो । ललितपुरको झम्सिखेल, कलंकी, चावहिललगायतका ८ स्थानमा बिस्तार गरेपछि नेपालमा अन्य विभिन्न शहरमा १६ वटा गरी २२ वटा शाखा खोल्ने लक्ष्य रहेको उहाँले जानकारी दिनुभयो ।
करिव डेढ करोडको लगानीमा खोलीएको सानोथिमि प्लानिङस्थित विरियानी अड्डामा दुई दर्जन कामदारले रोजगारी पाएका छन । विरियानी अड्डाले काठमाण्डौं उपत्यकाका जुनसुकै स्थान र काभ्रेको बनेपा धुलिखेलसम्म होम डेलीभरी प्रदान गर्दै आइरहेको छ । त्यसका लागि ८ जना रायडर रहेको अनालले बताउनुभयो । अड्डाले पाँच किलोमिटरसम्म निःशुल्क होम डेलीभरी दिँदै आइरहेको छ भने त्यसभन्दा माथि न्यूनतम शुल्क लिने गरेको खनालले बताउनुभयो ।
विरियानी अड्डाको सञ्चालकमा हाल पाँच जना रहेका छन । खनालका अलावा नवराज खत्री, अमृत राउत, विश्व पाण्डे र रविन पाण्डेले विरियानी अड्डाको अवधारणा अघि सारेका हुन ।