भक्तपुर, असोज ३०
माल्दिभ्सको मालेमा जारी दक्षिण एसियाली फुटबल फेडेरेसन (साफ) च्याम्पियनसिप २०२१ को उपाधीका लागि आज राती नेपाल र भारत भिड्दैछन । साफ फुटबलको ईतिहासमा पहिलो पटक फाइनलमा प्रवेश गरेको नेपाल जारी प्रतियोगितामा अपराजित रहेको भारतलाई हारको स्वाद चखाउँदैं पहिलो पटक उपाधी उचाल्ने दाउमा रहेको छ भने भारत आठौं पटक साफ च्याम्पियन बन्ने लक्ष्यका साथ मैदानमा ओर्लने छन ।
पाकिस्तान फिफाको प्रतिवन्धका कारण र भुटान आफ्नै देशको कोभिड–१९ को प्रोटोकलका कारण प्रतियोगितामा सहभागी नभएपछि सहभागी ५ टोलीलाई राउण्ड रोविन लिगका आधारमा खेलाईएको थियो ।
लिगका चार खेल मध्ये नेपाल दुई जित, एक हार र एक बराबरीका साथ ७ अंक सहित फाइनलमा प्रवेश गरेको हो । त्यसैगरी भारत चार खेलमा दुई जित र दुई हारकासाथ ८ अंक सहित फाइनल प्रवेश गरेको हो ।
नेपालले समूह चरणको पहिलो खेलमा आयोजक माल्दिभ्सलाई १–०, दोस्रो खेलमा श्रीलंकालाई ३–२ ले पराजित गरेको थियो । तेस्रो खेलमा भारतसँग १–० ले पराजित गरेको नेपाल बंगलादेशसँग १–१ को बराबरी खेलेको थियो ।
भारत पहिलो दुई खेलमा बंगलादेशसँग १–१ र र श्रीलंकासँग गोलरहित बराबरी खेलेको भारत तेस्रो खेलमा नेपाललाई १–० र चौंथो खेलमा आयोजक माल्दिभ्सलाई ३–१ ले पराजित गर्दै फाइनल प्रवेश गरेको हो ।
समूह चरणका ४ खेलमा नेपाल ५ गोल गरेको छ । नेपालका लागि अञ्जन विष्टले २ तथा मनिष डाँगी, सुमन लामा र आयुष घलानले एक एक गोल गरेका छन । भारतले जारी प्रतियोगितामा ५ गोल गरेका छन जसमध्ये कप्तान सुनिल क्षेत्री एक्लैले ४ गोल गरिसकेको छन । उनले नेपाल विरुद्ध निर्णायक गोल गरेका थिए भने माल्दिभ्सविरुद्ध २ र बंगलादेशविरुद्ध एक गोल गरेका थिए । उनी प्रतियोगितामा ४ गोलसहित सर्वाधिक गोलकर्ताको शिर्ष स्थानमा छन ।
फाइनलमा नेपालका अञ्जन बिष्ट खेल्ने छैनन् । उनी दोहोरो पहेंलो कार्डका कारण फाइनल गुमाउन पुगेका हुन । त्यसैगरी भारतीय प्रशिक्षक इगोर स्टिमाच र दुई मुख्य खेलाडी पनि मैदानमा हुने छैन । यसको फाइदा नेपालले लिन सक्छन ।
माल्दिभ्सविरुद्ध बुधबार भएको समूह चरणको अन्तिम खेलमा स्टिमाचले रातो कार्ड पाएपछि उनले फाइनल गुमाउने भएका हुन् । भारतका लागि डिफेन्डर सुभासिस बोसले पनि फाइनल गुमाउनेछन् । उनले पनि खेलमा दुई पहेंलो कार्डको सामना गरेका थिए । त्यसैगरी भरपर्दा मिल्डफिल्डर फारुख चौधरीले पनि फाइनल गुमाउने भएका छन । उनी घाईते भएका कारण मैदानमा हुने छैन ।
