भक्तपुर, असोज १७
मध्यपुर थिमि ४ शंखधरचोकस्थित शंखधर वचत तथा ऋण सहकारी संस्थाका उत्कृष्ट कारोवारी शनिवार सम्मानित हुनुभएको छ । संस्थाको १४ औं वार्षिक साधारणसभाको अवसरमा गत आर्थीक वर्ष २०७७÷०७८ मा सबैभन्दा धेरै आर्थीक कारोवार गर्ने सदस्य अष्टबहादुर कुटुलाई सम्मान गरेको हो ।
त्यसैगरी संस्थाले ज्येष्ठ सदस्यहरुमध्ये पुरुष तर्फ काजीबहादुर मानन्धर र महिला तर्फ राजमाया मकै प्रजापति, गत वर्षको एसईई परीक्षामा संस्थाका सदस्यहरुका छोराछोरीहरु मध्ये उत्कृष्ट अंक ल्याउने ६ जना विद्यार्थीलाई सम्मान गरिएको थियो भने आदर्श मावि लायकू, बालप्रेमी मावि बालकुमारी, गणेश मावि नगदेशका एक÷एक जना विद्यार्थी छात्रवृत्ति प्रदान गरिएको थियो ।
सभामा संस्थाका अध्यक्ष रामसुन्दर श्रेष्ठले संस्थामा ३ हजार ८६ जना सदस्यहरुबाट ४ करोड ९ लाख ४९ हजार ७ सय शेयर पुँजी रहेको जानकारी दिनुभयो । उहाँले संस्थाले विभिन्न १० वटा नीति तथा ६ वटा कार्यविधि बनाइ सञ्चालन गरिरहेको बताउनुभयो ।
सभामा वार्षिक प्रगति प्रतिवेदन प्रस्तुत गर्दै सचिव लक्ष्मीभक्त (राजु) श्रेष्ठले संस्थाले विभिन्न शिर्षकका वचत खाताहरुबाट ३८ करोड ५२ लाख २३ हजार ३१५ रुपैंया निक्षेप संकलन गर्न सफल भएको बताउनुभयो । त्यसैगरी विभिन्न शिर्षकमा ३१ करोड १७ लाख ७४ हजार ११६ ऋण लगानी गरी संस्थाले गत आर्थीक वर्ष ९४ लाख १९ हजार २१५ मुनाफा गर्न सफल भएको सचिव श्रेष्ठले जानकारी दिनुभयो ।
कोषाध्यक्ष रामबहादुर श्रेष्ठले आर्थीक प्रतिवेदन पेश गर्दै संस्थाको जगेडा कोषमा २२ लाख ३७ हजार ६३, संरक्षित पुँजी फिर्ता कोषमा १६ लाख ७७ हजार ७९८, सहकारी प्रवद्र्धन कोषमा ३३ हजार ५५५ र अन्य कोषहरुमा ४९ लाख ९९ हजार ८३७ रुपैंया जम्मा भएको जानकारी दिनुभयो ।
यसअघि सभाको उद्घाटन गर्दै बागमती प्रदेशका उद्योग, पर्यटक, वन तथा वातावरण राज्यमन्त्री सरस्वती वाटीले मुलुकलाई विकास र समृदिको बाटोमा अगाडि बढाउन सहकारीको अहम भूमिका रहेको बताउनुभयो । उहाँले नेपाल कृषिप्रधान देश भएकाले सहकारीको माध्यमबाट कृषिमा लगानी गरी अगाडि बढ्ने प्रदेश सरकारको नीति रहेको बताउँदैं बागमती प्रदेशले यो आर्थिक वर्षमा ३ प्रतिशत व्याजमा कृषि तथा अन्य व्यसायमा लगानी गर्ने गरी रु. दुई अर्ब छुट्याइएको जानकारी दिनुभयो ।
कार्यक्रममा बागतमी प्रदेशका सदस्य प्रतिमा श्रेष्ठले सहकारी संस्थाले मध्यपुर थिमिको पर्यटक प्रवद्र्धनमा पनि लगानी गरी स्वदेशी तथा विदेशी पर्यटकलाई यस क्षेत्रमा रहेका ऐतिहासिक सम्पदा, पुरातात्विक वस्तुहरु, यहाँको कृषि प्रणाली, माटोको भाडाकुँडा बनाउने प्रविधिहरुमात्र देखाउन सकेपनि आर्थिक उपार्जन गर्न सहज हुने बताउनुभयो । ‘यहाँका परम्परागत तथा पुरातात्विक सम्पदा, कला संस्कृतिको जगेर्नागरी संग्रहालय निर्माण गर्न सकेका पनि स्वदेशी तथा विदेशीहरु पर्यटकहरु ती सम्पदाको अध्ययन अनुसन्धान गर्न पर्यटकहरु आउने छ,’ उहाँले भन्नुभयो ।
अहिलेसम्म मध्यपुर थिमिमा पर्यटक भित्र्याउनेतर्फ कुनै योजना नगरिएको र पर्यटकबाट एक रुपैयाँमा आम्दानी गर्न नसकेको औंल्याउनुहुँदै उहाँले यहाँका मठमन्दिर, पाटी पौवा, कला संस्कृति, जात्रा पर्वहरुको प्रचाप्रसार गरी पर्यटकलाई आकर्षित गर्न सहकारीले भूमिका निर्वाह गर्नुपर्ने बताउनुभयो ।
कार्यक्रममा संस्थाका उपाध्यक्ष श्यामकृष्ण श्रेष्ठ, जिल्ला बचत तथा ऋण संस्था लि. भक्तपुरका सदस्य पञ्चकृष्ण श्रेष्ठ, जिल्ला सहकारी संघका सुलोचना दुवाल, स्फेकका अध्यक्ष हिरारत्न वज्राचार्यले शुभकामना मन्तव्य व्यक्त गर्नुभएको थियो ।
