भक्तपुर, भाद्र २८
मिडिया नेपालको केन्द्रीय उपाध्यक्षमा भक्तपुरका वरिष्ठ पत्रकार विकलप्रसाद श्रेष्ठ मनोनित हुनुभएको छ । गोपाल प्रसाद पौड्यालको अध्यक्षतामा गठित केन्द्रीय कार्यसमितिमा पत्रकार श्रेष्ठ उपाध्यक्ष मनोनित हुनुभएको हो ।
नेपाल पत्रकार महासंघ भक्तपुरका पूर्व अध्यक्ष समेत रहेका श्रेष्ठ लामो समयदेखि पत्रकारिताको क्षेत्रमा क्रियाशील हुनुहुन्छ । उहाँको प्रकाशन र सम्पादनमा प्रक्षेपण दैनिक र नेपाल न्युज साप्ताहिक प्रकाशन हुँदै आएको छ ।
मिडिया नेपालको विधानको परिच्छेद ५ को दफा १९ बमोजिम श्रेष्ठलाई उपाध्यक्षमा मनोनयन गरिएको हो । पत्रकार श्रेष्ठ सहित सूर्य बास्तोला कास्की, हेम्बाबू लेखक कञ्चनपुर, श्रीधर सुवेदी बाँके, अंगद देवकोटा जुम्लालाई पनि उपाध्यक्षमा मनोनयन गरिएको छ । मिडिया नेपालको महासचिवमा मुकुन्द ढुंगाना नुवाकोट र कोषाध्यक्षमा राजेन्द्र बस्नेत सोलुखुम्बुलाई मनोनयन गरिएको मिडिया नेपालले जनाएको छ ।
