शारीरिक अशक्तलाई डेढ लाख नगद सहयोग

भक्तपुर, साउन ६
प्रथम जननिर्वाचित प्रधानमन्त्री एवम् महामानव स्व. विश्वेश्वर प्रसाद (विपी) कोइरालाको ३९ औं स्मृति दिवसको अवसरमा चाँगुनारायण नगरपालिका वडा नं. १ का वडासदस्य उद्धव खड्काले लामो समयदेखी शारीरिक अशक्त भई उपचाररत दुई जनालाई एक लाख ५० हजार रुपैंया सहयोग प्रदान गरेको छ ।
खड्काले नेपाली कांग्रेस भक्तपुरका युवा नेता एवम् पूर्व जिल्ला समिति सदस्य रोशन पौडेल र चाँगुनारायण नगरपालिकाका कार्यपालिका सदस्य कुमार अच्छामीलाई उहाँहरुको निवासमा पुगेर आर्थिक सहयोग गरेको हो ।


खड्काले दुवै जनालाई जनही ७५ हजार रुपैंया सहयोग गरेको बताउनुभयो । उहाँले नगरसभा सदस्यको हैसियतले नगरपालिकाले दिने विभिन्न शिर्षकको सेवा सुविधा र नगरपालिका तथा वडा कार्यालयमा हुने बैठकमा सहभागी भए वापतको भत्ता रकम जम्मा गरेर सो रकम सहयोग गरेको जानकारी दिनुभयो ।