भक्तपुर, जेठ २२
नेपाली कांग्रेसले आज भक्तपुरमा दिप प्रज्वलन गरेको छ । कांग्रेसले भक्तपुरका चार वटै नगरपालिकाका ३८ वडामा एकै साथ दिप प्रज्वलन गरेको हो ।
कोरोना संक्रमितको शिघ्र स्वास्थ्यलाभ र मृतकको चीर शान्तिको कामना गर्दै वडाका स्थानीय मन्दिरमा दिप प्रज्वलन गरिएको नेपाली कांग्रेस भक्तपुर क्षेत्र नं. का क्षेत्रीय सभापति जीवन खत्रीले बताउनुभयो । पुजा अर्चना र दिप प्रज्वलनले कोरोना संक्रमण भई उपचार गराईरहनुभएका आम नेपालीहरुमा आत्मबल र शक्ति प्राप्त गर्ने विश्वासकासाथ मन्दिरमा दिप प्रज्वलन गरिएको हो, उहाँले भन्नुभयो ।
कार्यक्रममा सहभागीहरुबीच भौतिक तथा सामाजिक दुरी कायम गरिएको र स्वास्थ्य सुरक्षाका मापदण्ड पूर्ण पालना गरिएको क्षेत्र नं. २ का सभापति नारायण खायमलीले बताउनुभयो ।
कार्यक्रममा स्थानीय वडा कमिटि र भातृसंगठनका पदाधिकारीहरु र कांग्रेसका शुभेच्छुक तथा शुभचिन्तकहरुको सहभागिता रहेको थियो ।
