भक्तपुर, असार २०
भक्तपुरको सूर्यविनायक नगरपालिका–१, सिरुटारस्थित चमेली वनमा एक पुरुषको शव फेला परेको छ । हरियो ज्याकेट, सुन्तला रंगको हाप प्यान्ट र कालो जुत्ता लगाएको, बायाँ हातमा मेडिकलको ब्यान्डेज बाँधेको पुरुषको शव घाँटी र चिलाउनेको रुखमा टेलिफोनको लाईन जोड्न प्रयोग हुने खालको तार बाँधेको अवस्था फेला परेको हो ।
प्रहरीका अनुसार रुखको हाँगा भाँच्चिएर भुईमा झरेको छ । शव सड्न र गल्न थालेको कम्तिमा चार पाँच दिन अघि झुण्डिएर मृत्यु हुन सक्ने महानगरिय प्रहरी परिसर भक्तपुरका सूचना अधिकारी प्रहरी नायव उपरिक्षक दिपक गिरीले बताउनुभयो ।
अन्दाजी ४० वर्षिय ती पुरुषको पहिचान खुल्न सकेको छैन । प्रहरीले शवलाई पोष्टमार्तमका लागि के एम सी अस्पताल दुवाकोट पठाएको र घटनाको बारेमा थप अनुसन्धान भइरहेको जनाएको छ ।
