ख्वप अस्पताललाई थप २७ लाख ५४ हजार सहयोग

भक्तपुर, जेठ २१

भक्तपुर नगरपालिकाद्वारा सञ्चालित ख्वप अस्पताल कोभिड युनिटको लागि आवश्यक अक्सिजन र आवश्यक स्वास्थ्य उपकरणहरू व्यवस्था गर्न नगरपालिकाको आह्वानलाई स्वीकार्दै विभिन्न सहकारी संस्था, संघ संस्था र दाताहरूबाट आर्थिक सहयोग प्राप्त हुने क्रम जारी रहेको छ ।

ख्वप अस्पताल कोभिड युनिटमा अक्सिजन प्लान्ट जडान गर्न भक्तपुर नपाको प्रकोप व्यवस्थापन कोषमा शुक्रवार थप २७ लाख ५४ हजार ६४ रुपैयाँ सहयोग प्राप्त भएको छ । सो कोषमा हालसम्म ४ करोड ६० लाख ४५ हजार ४२ रुपैंयाँ बराबरको आर्थिक तथा भौतिक सहयोग प्राप्त भइसकेको नगरपालिकाले जनाएको छ ।