भक्तपुर, जेठ १
भक्तपुरको सूर्यविनायक नगरपालिका–२, बोलकोटबाट प्रहरीले लागूऔषध ब्राउन सुगरसहित एक जनालाई पक्राउ गरेको छ । पक्राउ पर्नेमा नुवाकोटको ककनी गाँउपालिका–२ ओखरपौवा घर भई बालकोट डेरागरी बस्ने ३७ वर्षिय हरिनाथ कोईराला हुन ।
कोईरालाले लागूऔषध विक्री वितरण गर्दछन भन्ने गोप्य सूचनाको आधारमा खटिएको प्रहरी टोलीले उनलाई उनकै डेरा कोठाबाट पक्राउ गरेको जिल्ला प्रहरी परिसर भक्तपुरका सूचना अधिकारी प्रहरी नायव उपरीक्षक (डिएसपी) ढुण्डीराज नेउपानले बताउनुभयो ।
प्रहरीले उनको साथबाट १ ग्राम ३२ मिलि ग्राम ब्राउन सुगर बरामद भएको जनाएको छ । उनलाई लागूऔषध कसुरमा म्याद थप गरी अनुसन्धान कार्य भईरहेको डिएसपी नेउपानले जानकारी दिनुभयो ।
