भक्तपुर, माघ १०
भक्तपुरमा सुटिङ खेलको विकास र बिस्तारको लागि भक्तपुर जिल्ला सुटिङ संघ गठन गरिएको छ । जिल्ला खेलकुद विकास समितिका अध्यक्ष राजु थापाको अध्यक्षतामा बिहिवार सम्पन्न भेलाले राजु सिं बजिकोको अध्यक्षतामा १३ सदस्यीय सुटिङ संघ गठन गरेको हो ।
नेपाल सुटिङ संघका बागमती प्रदेश अध्यक्ष राजु दर्शनको उपस्थितीमा भएको भेलाले संघको उपाध्यक्षमा रामशरण बैंजु, सचिवमा रोहित मानन्धर, सहसचिवमा रचना लाखेमरु र कोषाध्यक्षमा चन्द्र प्रसाल सुवाल चयन गरेको छ ।
यसैगरी सदस्यहरुमा सचि बनेपाली, आषिश बैद्य, रामकृष्ण लवजु, अनिल फोंजु, दिपा अधिकारी, गोपीलाल श्रेष्ठ, सरोज केसी र कपिल देव नेपाल चयन भएको जिल्ला खेलकुद विकास समितिका अध्यक्ष थापाले जानकारी दिनुभयो ।
