भक्तपुर, माघ १
मध्यपुर थिमि नगर क्षेत्रका महिलाहरुमा स्तन तथा पाठेघरको मुख क्यान्सर रोकथाम सम्बन्धि जनचेतना अभिवृद्धि गर्न तीन दिने सचेतनामूलक अभिमुखिकरण कार्यक्रम सञ्चालन गरिएको छ ।
क्यान्सर रोग विरुद्ध सचेत गराउने र समयमै रोगको लक्षण थाहा पाएर उपचार गरेमा क्यान्सर रोग पनि रोकथाम गर्न सकिन्छ भने जनचेतना जागरण गर्न मध्यपुर थिमि नगरपालिकाको वडा नं. ४, ५ र ६ वडामा ३ दिने सचेतनामुलक अभिमुखिकरण कार्यक्रम सञ्चालन गरिएको हो ।
मध्यपुर थिमि नगरपालिकाको सहकार्य एवम् नगरपालिकाको जनस्वास्थ्य शाखा र नेपाल रेडक्रस सोसाईटी थिमि उपशाखाको आयोजनामा उक्त अभिमुखिकरण कार्यक्रम बालकुमारी, भुलाँखेल र पाटीबिहारमा सञ्चालन गरिएको कार्यक्रम संयोजक कन्या मन्दिर प्रजापतिले वताउनुभयो ।
अभिमुखीकरणमा स्थानीय गृहिणी महिलाहरूलाई क्यान्सर रोगको लक्षण, रोकथामका उपाय, उपचारमा पाईने सरकारी सेवा सुविधा, ओषधी उपचार व्यवस्था, दैनिक जीवनयापनमा अपनाउनु पर्ने स्वास्थ्य सचेतना र सतर्कता लगायतमा ज्ञान दिईएको उहाँले जानकारी दिनुभयो ।
प्रत्येक वडाबाट ३०÷३० जना लक्षित महिलाहरु सहभागी भएको कार्यक्रम व्यवहारिक र उपलब्धिमुलक रहेको सहभागी महिलाहरुले बताएका छन । यस्ता सचेतनामूलुक कार्यक्रमहरु नगरपालिका अन्य वडाहरुमा पनि बृहत रुपमा सञ्चालन गर्नुपर्ने माग पनि सहभागीहरुले गरेको संयोजक प्रजापतिले बताउनुभयो ।
जनस्वास्थ्य शाखा प्रमुख श्रीकृष्ण प्रजापति र भक्तपुर क्यान्सर अस्पतालका नर्सिङ प्रमुख लक्ष्मी श्रेष्ठले सहभागी महिलाहरुलाई स्तन तथा पाठेघरको मुख क्यान्सर रोकथाम सम्बन्धि अपनाउनु पर्ने दैनिक जीवनको व्यवहारिक पक्षमा अभिमुखिकरण र स्वास्थ्य शिक्षा दिईएको थियो ।
अभिमुखिकरण कार्यक्रममा वडा नं ४ का वडा अध्यक्ष बालकृष्ण पात्या श्रेष्ठ, वडा नं. ५ का वडा अध्यक्ष बालकृष्ण श्रेष्ठ र वडा नं. ६ का वडा अध्यक्ष ज्ञानदास प्रजापति लगायतले क्यान्सर रोग विरुद्ध समाजका महिलाहरूलाई सचेतनामूलक शिक्षा दिएर रोकथाम र नियन्त्रणमा सबैले हातेमालो गरेर अघि बढ्नुपर्ने धारणा व्यक्त गर्दै जनस्वास्थ्य र स्वास्थ्य सरोकारका सेवा सुविधामा वडाबासीहरुको सहज पहुँच पु¥याउन स्वास्थ्य संघ÷संस्थाहरुसँग सहकार्य गरेर वडा र नगर स्तरमा कार्यक्रम सञ्चालन गर्ने योजना रहेको बताउनुभयो ।
