भक्तपुर, कार्तिक २८
सुन चाँदीका गरगहना र नगद चोरी गरेको अभियोगमा प्रहरीले भक्तपुरको मध्यपुर थिमि–१ लोहकिल्थलीबाट दोलखा शैलुङ गाँउपालिका वडा नं. ५ बस्ने ३४ वर्षिय नविन भन्ने रवि कार्कीलाई कार्तिक २७ गते मंगलवार पक्राउ गरेको छ ।
गत कार्तिक १३ गते दिउँसो मध्यपुर थिमि–२ रामेश्वर मन्दिर नजिक रहेको कृष्ण बहादुर कार्कीको कोठामा कोही नभएको अवस्थामा ढोकाको ताला फुटाई सुन, चाँदीका गरगहना र नगद चोरी गरेको अभियोगमा कार्कीलाई पक्राउ गरेको हो ।
चोरी भएपछि पिडितले प्रहरी वृत्त थिमिमा दिएको जाहेरीको आधारमा अनुसन्धानको क्रममा काठमाण्डौं उपत्यका अपराध अनुसन्धान कार्यालय भक्तपुर शाखा र प्रहरी वृत्त थिमिबाट खटिएको संयुक्त प्रहरी टोलीले कार्कीलाई पक्राउ गरेको प्रहरी परिसर भक्तपुरका सूचना अधिकारी प्रहरी नायव उपरीक्षक ढुण्डीराज नेउपानेले बताउनुभयो ।
कार्कीलाई चारी मुद्दामा भक्तपुर जिल्ला अदालतबाट ५ दिनको म्याद थप भई थप अनुसन्धान भइरहेको प्रनाउ नेउपानेले जानकारी दिनुभयो ।
