भक्तपुर, कार्तिक २८
अवैध लागू औषध बिक्रि वितरण गरेको अभियोगमा प्रहरीले मध्यपुर थिमि वडा नं. ६ नगरपालिका चोकबाट गत सोमवार औषधी पसल (मेडिकल) सञ्चालकलाई पक्राउ गरेको छ । पक्राउ पर्नेमा राज मेडिकलका सञ्चालक रौतहट देवाही गोनाही नगरपालिका वडा नं. ३ घर भई हाल पुरानो थिमि बस्ने ३६ वर्षिय राजनारायण साह हुन ।
साहको मेडिकलमा अवैध लागू औषधको कारोवार भइरहेको छ भन्ने सूचनाको आधारमा प्रहरी वृत्त थिमिको टोलीले छापामारी उनलाई पक्राउ गरेको हो । साहको मेडिकल प्रहरी वृत्त थिमिको सय मिटरको दुरीमा रहेको छ ।
प्रहरीले साहको मेडिकलबाट क्लोनाजेपाम १८० ट्याब्लेट, ट्वाजोडोन हाइड्रक्लोराइड ५० एमजीको ३६० ट्याब्लेट, टपेन्डाडोल ५० एमजीको ३६ ट्याब्लेट र टपेन्डाडोल १०० एमजीको ४५ ट्याब्लेट बरामद गरिएको जिल्ला प्हरी परिसर भक्तपुरका सूचना अधिकारी प्रहरी नायव उपरीक्षक ढुण्डीराज नेउपानेले जानकारी दिनुभयो ।
साहलाई प्रहरी वृत्त थिमिमा राखी थप अनुसन्धान भइरहेको प्रनाउ नेउपानेले बताउनुभयो ।
