भक्तपुर, भदौ १३
भक्तपुरको चाँगुनारायण नगरपालिका–२, दुवाकोट बस्ने ५२ वर्षिय विष्णु वैद्यको बिहिवार साँझ आफ्नै घरको छतबाट खसेर मृत्यु भएको छ । आफ्नै साढे ३ तल्ले घरको छतबाट अचानक घर पछाडीको धान खेतमा खसेका वैद्यको उपचारको क्रममा मृत्यु भएको हो ।
खसेर गम्भिर घाईते भएका वैद्यलाई तत्काल उपचारका लागि भक्तपुर अस्पताल लगिएको जिल्ला प्रहरी परिसर भक्तपुरका सूचना अधिकारी प्रहरी नायव उपरीक्षक (डिएसपी) राजन कार्कीले बताउनुभयो ।
वैद्यको शव पोष्टमार्तमका लागि केएमसी अस्पताल दुवाकोट लगिएको छ । घटनाको प्रहरी वृत्त थिमिको प्रहरी टोलीले अनुसन्धान गरिरहेको डिएसपी कार्कीले जानकारी दिनुभयो ।
