भक्तपुर, बैशाख २१
प्रहरीले स्रोत नखुलेको करिव ९५ लाख रुपैंयासहित आइतवार चार जनालाई पक्राउ गरेको छ । पक्राउ पर्नेहरुमा काठमाण्डौंको तार्केश्वर नगरपालिका–३ फेदी घर भएका २९ वर्षिय समुन्द्र जमकट्टेल, सप्तरीको सप्तकोशी नगरपालिका–१ का ४३ वर्षिय गणेश राई, लमजुङको दोदी गाउँपालिका–३ का ३१ वर्षिय सन्तोष गुरुङ र ३९ वर्षिय सन्तोष घिमिरे छन ।
उनीहरुलाई जिल्ला प्रहरी परिसर काठमाण्डौंको प्रहरी टोलीले काठमाण्डौं पिङ्गलास्थान स्थित पशुपति भिजन अगाडिबाट पक्राउ गरेको हो । दुई वटा मोटरसाइकलमा शंकास्पद तरिकाले हिँडिरहेका उनीहरुलाई नियन्त्रणमा लिएर खानतलासी लिँदा स्रोत नखुलेको ९५ लाख १७ हजार ५ सय रुपैंया बरामद भएको परिसरका सूचना अधिकारी प्रहरी उपरीक्षक अपील राज बोहराले जानकारी दिनुभयो । सो सम्बन्धमा थप अनुसन्धान भइरहेको उहाँले बताउनुभयो ।
