भक्तपुर, बैशाख २१
भक्तपुर नगरपालिका–९, च्यामासिंहमा जुवातास खेलिरहेको अवस्थामा प्रहरीले शुक्रवार १० जनालाई पक्राउ गरेको छ । चाँगुनारायण नगरपालिका–५ छालिङ घर भएका ४८ वर्षीय भरत गिरीको भक्तपुर नगरपालिका–९ च्यामासिंहस्थित कोठामा जुवातास खेलिरहेको अवस्थामा भरत समेत १० जनालाई प्रहरीले पक्राउ गरेको हो ।
प्रहरी वृत्त जगातीबाट खटिएको प्रहरीले उनीहरूलाई नगद १ लाख ५३ हजार ८ सय ५० रूपैयाँ र ३ बुक तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
