भक्तपुर, बैशाख २१
भक्तपुरमा पहिलो पटक आयोजना भएको फुल कन्ट्याक्ट किक बक्सिङ प्रतियोगिताको उपाधि भक्तपुरले जितेको छ । नेपाल किक बक्सिङ संघ भक्तपुर जिल्ला समितिको आयोजनामा वैशाख १९ र २० गते सम्पन्न प्रतियोगितामा ३ स्वर्ण र ४ रजत पदक सहित भक्तपुरले उपाधि जितेको हो ।
यस्तै प्रतियोगितामा मेन डोजो रंगशाला दोस्रो भएको छ । मेन डोजोले २ स्वर्ण हात पारे । १ स्वर्ण २ रजत सहित फाइट क्लब तेस्रो हुन सफल भयो ।
प्रतियोगिताको उत्कृष्ट खेलाडी भने महिलातर्फ अस्मिता दोङ तामाङ र पुरुषतर्फ सुनिम श्रेष्ठ भएका थिए ।
प्रतियोगितामा महिला र पुरुष गरी ११ तौल समूहमा खेल खेलाइएको थियो भने दुई वटा प्रो फाईटको आयोजना गरिएको थियो । प्रतियोगितामा भएको दुई प्रो फाइटमा सिरिस भुजु र प्रवीण मोक्तान प्रथम भएका थिए भने विशाल शाही र सुजित गुरुङ दोस्रो भएका थिए ।
यस्तै खेलमा ५१ केजी पुरुषतर्फ सन्जु सुब्बाले स्वर्ण, अभिनव थापाले रजत, संम्योग राई र कुशल लामाले कांस्य पदक हात पारे । ५४ केजी पुरुषतर्फ स्वर्ण आशिक कोली, रजत जगदिश विश्वकर्मा, कास्य तीर्थ तामाङ र सञ्जय तामाङले हासिल गरे ।
५७ केजीमा विबद्र राईले स्वर्ण, ज्ञान धोज गोलेले रजत, सञ्जय लामा र सिसिर सुनारले कांस्य पदक हात पारे । ६३.५ केजीमा अर्जुन के.सीले स्वर्ण, सुजु शाहीले रजत, प्रज्जलरण पहेली र नरेन्द्र बोम्जनले कांस्य पदक हात पारे । ६७ केजी तर्फे स्वर्ण सुनिम श्रेष्ठ, रजत अनिश पुजारी र कांस्य लाल बहादुर भण्डारीले हासिल गरे ।
यसैगरी ७५ कजी तर्फ अनिप देउलाले स्वर्ण, हार्दिक काईरालाले रजत र दिक्षान्त अधिकारीले कांस्य पदक हासिल गरे । खुलातर्फ भने उपेश देउलाले स्वर्ण, सुदिन कुमार शाहले रजत, एरेण ठेबा र उत्तम स्यान्तुले कांस्य पदक हात पारे ।
महिलातर्फ भने ५२ केजीमा अस्मिता दोङले स्वर्ण, अनिशा मगरले रजत, अर्मिला थिङले कांस्य पदक जिते । ६० केजीमा चन्द्र कुमारी भुजेलले स्वर्ण र डोल्मा बोम्जनले रजत पदक हासिल गरे । ५७ केजी महिलामा स्वर्ण बबिता कार्कीले हात परेकी थिइन भने रजत मिना कुमारी पाण्डे र कांस्य प्रमीला थिङले हात पारेकी थिइन ।
वर्षाका कारण खुल्ला स्थानमा नगरी सानो हलमा प्रतियोगिता सञ्चालन गर्न बाध्य भएको नेपाल किक बक्सिङ संघ भक्तपुर जिल्ला समितिका कोषाध्यक्ष सचितानन्द बनेपालीले बताए ।
दुई दिनसम्म चलेको उक्त प्रतियोगितामा २० जिल्लाबाट खेलाडीहरूको सहभागिता रहेको संघका भक्तपुर अध्यक्ष कृष्णराम जाकिबञ्जारले जानकारी दिए । प्रतियोगितामा उत्कृट खेलाडी तथा विजेता खेलाडीहरूलाई बागमती प्रदेश खेलकुद विकास परिषद्का सदस्य सचिव दीपक लामाले पुरस्कृत गरेको थियो ।
प्रतियोगिता अवलोकनका लागि सूर्यविनायक नगरपालिकाका नगर प्रमुख वासुदेव थापा, सूर्यविनायक नगरपालिका वडा नम्बर ८ का वडा अध्यक्ष पुष्पराज बस्नेत, १० का वडा अध्यक्ष शिवराम राउत, बागमती प्रदेश बोर्डकी सदस्य सुनिता गौतम, किक बक्सिङका संरक्षक तथा संस्थापक अध्यक्ष दीपक श्रेष्ठ, कराते महासंघका रेफ्रि काउन्सिलका उपाध्यक्ष प्रकाश मोहन द्यौभडेल, कराते भक्तपुरका अध्यक्ष राजन चित्रकार, प्रशिक्षक सन्तोष श्रेष्ठ, रवीन्द्र लाछिमसु लगायतको उपस्थिती रहेको थियो ।
