भक्तपुर, चैत्र १५
काठमाण्डौंको तीनकुने क्षेत्रमा कफ्र्यु आदेश जारी भएको छ । जिल्ला प्रशासन कार्यालय काठमाण्डौंले काठमाण्डौंको शान्तिनगर पुलदेखि मनोहरा खोला पुलसम्म कफ्र्यु आदेश जारी गरेको हो ।
राजावादीहरूले शुक्रबार काठमाण्डौंको तीनकुनेमा गरेको प्रदर्शन हिंसात्मक हुँदै गएपछि त्यस क्षेत्रमा कफ्र्यु लगाइएको हो । जिल्ला प्रशासन कार्यालय काठमाण्डौंले तीनकुने क्षेत्रमा ४ बजेर २५ मिनेटदेखि राति १० बजेसम्मका लागि कफ्र्यु आदेश जारी गरेको हो ।
गौशालादेखि एयरपोर्ट, गैरीधारा, तीनकुने हुँदै कोटेश्वर, कोटेश्वरबाट जडिबुटी पुल, कोटेश्वरबाट बालकुमारी पुल, नयाँबानेश्वर चोकदेखि शंखमुल पुलसम्म र गौशाला चोकदेखि पुरानो बानेश्वर हुँदै नयाँ बानेश्वर चोकसम्म कफ्र्यु लगाइएको जिल्ला प्रशासन कार्यालयले जनाएको छ ।
यसअघि तीनकुने क्षेत्रमा दुर्गा प्रसाईं नेतृत्वमा भएको प्रदर्शनमा तोडफोड र झडप भएको थियो । निजी सम्पत्तिमाथि आगजनी पनि गरिएको थियो । प्रदर्शन हिंसात्मक बन्दै गएपछि तीनकुनेमा कफर््यु लगाउने निर्णय गरिएको हो ।
