भक्तपुर, फागुन १५
जबरजस्ती करणी मुद्दामा दोषी भइ फरार एक व्यक्तिलाई जिल्ला प्रहरी परिसर भक्तपुरको प्रहरी टोलीले गत मंगलवार पक्राउ गरेको छ । पक्राउ पर्नेमा भक्तपुरको सूर्यविनायक नगरपालिका–७ गुण्डु घरभई हाल चाँगुनारायण नगरपालिका–९, ताथली बस्दै आएका ४९ वर्षिय अच्युतमणी रिसाल हुन । रिसाललाई प्रहरीले भक्तपुर नगरपालिकाको च्याम्हसिंहबाट पक्राउ गरेको हो ।
रिसाललाई भक्तपुर जिल्ला अदालतले गत कार्तिक २१ गते जबरजस्ती करणी मुद्दामा ७ वर्ष कैद र ३ लाख रुपैंया दण्ड जरिवाना हुने फैसला गरेको थियो । रिसाल अदालतको पैmसलापछि फरार भएको जिल्ला प्रहरी परिसर भक्तपुरका सूचना अधिकारी प्रहरी नायव उपरीक्षक ढुण्डीराज नेउपानेले बताउनुभयो । रिसाललाई बिहिवार भक्तपुर जिल्ला अदालत बुझाएकोमा अदालतबाट कैद भुक्तानको लागि कारागार कार्यालय जगन्नाथदेवल पठाएको नेउपानेले जानकारी दिनुभयो ।
