निशान मिनि ट्रकको ठक्करले ७२ वर्षिया बृद्धाको मृत्यु

भक्तपुर, फागुन २
भक्तपुरको चाँगुनारायण नगरपालिका–३ कोल्पाकोट ओरालोमा निशान मिनि ट्रकको ठक्करले शुक्रवार ७२ वर्षिया बृद्धाको मृत्यु भएको छ । भक्तपुरको व्यासीबाट झौखेलतर्फ जाँदैं गरेको प्रदेश ३–०१–००३ क ४६३७ नम्बरको निशान मिनि ट्रकले ठक्कर दिँदा चाँगुनारायण नगरपालिका–५, पिखेल बस्ने ७२ वर्षिया केकई मग्रराती मगरको मृत्यु भएको हो ।
ट्रकको ठक्करले गम्भिर घाईते भएकी मगरलाई उपचारको लागि काठमाण्डौं मेडिकल अस्पताल दुवाकोट लगिएकोमा त्यही उपचारको क्रममा उनको मृत्यु भएको जिल्ला प्रहरी परिसर भक्तपुरका सूचना अधिकारी डिएसपी ढुण्डीराज नेउपानेले जानकारी दिनुभयो ।
प्रहरीले मिनि ट्रक चालक भक्तपुर नगरपालिका–१०, कमलविनायक बस्ने ५४ वर्षिय ईन्द्र नारायण सितखुलाई नियन्त्रणमा लिएर थप कारवाही गरिरहेको डिएसपी नेउपानेले बताउनुभयो ।