भक्तपुर, माघ १३
नेपाली राष्ट्रिय महिला फुटबल टोलीकी कप्तान तथा गोलकिपर एञ्जिला तुम्बापो सुब्बाले युरोपमा ‘डेब्यू’ गरेकी छिन । एन्जिलाले शनिवार ग्रिसको निस अट्रोमिटौबाट व्यवसायिक फुटबल खेल्ने युरोपमा डेब्यू गरेकी हुन । केहि साता अघि ग्रिस पुगेकी एन्जिलाले शुक्रवार लिग खेल्ने अनुमति पाएकी थिइन् ।
उनले ग्रिस महिला ‘ए’ लिगमा ओएफआइविरुद्ध खेल्दै युरोपमा डेब्यू गरेकी हुन् । खेलमा एन्जिलाको टोली ओएफआइसँग ०–३ ले पराजित भएको थियो । एन्जिलाको डेब्यूसँगैं उनी युरोपमा व्यवसायिक फुटबल खेल्ने दोस्रो महिला खेलाडी बनेकी छिन । यस अघि सावित्रा भण्डारी साम्बाले फ्रान्समा खेलिरहेकी छिन ।
एन्जिलाले यसअघि पाकिस्तान र भारतमा लिग खेलेकी थिइन् । उनको कप्तानीमा नेपालले कात्तिकमा काठमाडौंमा भएको साफ च्याम्पियनसिपमा दोस्रो स्थान प्राप्त गरेको थियो । एन्जिलाको जीवनीमा आधारित अन्जिला फिल्म फागुन २९ गते प्रदर्शन हुँदैछ ।
