भक्तपुर, माघ १०
भक्तपुर मध्यपुर थिमि–२ सानोथिमिस्थित दिव्यश्वरी प्लानिङमा मोटरसाइकलले कारलाई ठक्कर दिई दुर्घटना हुँदा घाईते भएकी महिलाको उपचारको क्रममा मृत्यु भएको छ । गत माघ ७ गते भएको उक्त घटनामा गम्भिर घाईते भएकी मोटरसाइकलमा सवार भोजपुर पात्लेपानी गाउँपालिका वडा नं. ६ घर भई हाल काठमाण्डौ पेप्सिकोला बस्ने २३ वर्षिया सपना राईको उपचारका क्रममा बुधवार साँझ मृत्यु भएको हो ।
दिव्यश्वरी प्लानिङस्थित क्षमावती ग्रुप कम्पनी अगाडि पेप्सीकोलाबाट मगर गाँउतर्फ जाँदै गरेको बा. प्र.०१–०२७ च. ९२७ नं.को कारलाई सोही दिशातर्फ जाँदै गरेको बा. ५० प. ७४१ नं.को मोटरसाईकलले ठक्कर दिँदा सपना र उनकी ३ वर्षिया छोरी ईश्वरी राई घाईते भएका थिए ।
घाईते दुवै जनालाई उपचारका लागि मदरल्याण्ड अस्पताल पेप्सीकोला लगिएको थियो । गम्भिर घाईते भएकी सपनालाई थप उपचारका लागि काठमाण्डौं मेडिकल कलेज सिनामंगल लगिएकोमा त्यही उपचारको क्रममा मृत्यु भएको जिल्ला प्रहरी परिसर भक्तपुरका निमित्त सूचना अधिकारी प्रहरी निरीक्षक टेकेन्द्र शर्मा पौडेलले जानकारी दिनुभयो ।
दुर्घटनामा घाईते बालिका ईश्वरी उपचार पश्चात डिस्चार्ज भइसकेको छ । दुर्घटनमा संलग्न दुई वटै सवारी साधन र कार चालक रामेछाप सुनापाती गाउँपालिका–१ घर भई हाल काठमाण्डौ बुढानिलकण्ड नगरपालिका–४ बस्ने ३४ वर्षिय कृष्ण प्रसाद गौतमलाई प्रहरी वृत्त थिमिमा राखी थप कारवाही भइरहेको प्र.नि. पौडेलले बताउनुभयो ।
