भक्तपुर, माघ १
माघे संक्रान्तिको अवसरमा भक्तपुरका स्रष्टाहरुले घ्यू–चाकु खाँदै आफ्ना साहित्यिक सिर्जना सुनाएका छन । भक्तपुरको कमलविनायकस्थित रोम्वस सेकेण्डरी स्कूलमा आयोजित साहित्यिक भेटघाट तथा रचना वाचन कार्यक्रममा सहभागी स्रष्टाहरुले घ्यू–चाकु खाँदै आफ्ना साहित्यिक सिर्जना सुनाएका हुन ।
कार्यक्रममा गजलकार विक्रम चेतनशील राई, रामगोपाल आशुतोष, विकास प्रहर, हरिसुन्दर छुकां, उपेन्द्र तिमिल्सिना, भरत ढुंगाना, पवन चाम्लिङ राई, मनोज खड्का मिलन, स्वनाम सज्जन किरातीलयागतले गजल, मुक्तक र कविताको स्वाद पस्कनु भएको थियो ।
धार्मिक र साँस्कृतिक महत्वका हिसाबले विशेष दिनका रूपमा रहेको माघे संक्रान्तीमा विभिन्न स्थानमा मेला लागे जस्तै लाग्ने रोम्वस सेकेण्डरी स्कूलमा साहित्यिक मेला आयोजना गरिएको स्कुलका प्रिन्सिपल डा. राजेन्द्र कोजू बताउनुभयो । उहाँले विद्यालयले शिक्षा र साहित्यलाई सँगसँगै अघि बढाउने योजना अनुसार उक्त कार्यक्रम आयोजना गरेको जानकारी दिनुभयो ।
साहित्यको सम्वद्र्वन र प्रवद्र्धनका लागि उक्त स्कुलले आयोजना गरेको उक्त साहित्यिक भेलामा अग्रज र अनुज स्रष्टाहरूको सहभागिता रहेको थियो । आयोजक विद्यालयका प्रिन्सिपल डा. कोजूले कविता पाठ गरेर शुभारम्भ गर्नुभएको उक्त कार्यक्रममा स्कूलकी सहायक प्रिन्सिपल अमृता ढकालले गीतमार्फत सबैलाई स्वागत गर्नुभएको थियो ।
कार्यक्रममा ताथलीको सिन्हपा तेडोल नयाँ बस्ती टोल विकास संस्थाका अध्यक्ष देवराज गुरूङले शुभकामना दिनुभएको थियो ।
